Yehi Wafa ka sila hay, to koi baat nahi
Ye dard tumne diya hay, to koi baat nahi

Yehi bohat hai ke tum dekhte ho sahil se
Safeena doob raha hay, to koi baat nahi

Rakha tha aashiyana-e-dil main chupa ke tumko
Woh ghar tumne chor diya hay to koi baat nahi

Tum hi ne aayena-e-dil mayra banaya tha
Tum hi ne tor diya hay to koi baat nahi

Kisay majaal kahay koi mujhko deewana
Agar ye tumne kaha hay to koi baat nahi