Ab Ke Saal Kuch Aisa Karna

Apney pichlay 12 mah ke
Dukh sukh ka andaza karna
Bisri yaadein taza karna

Saadah sa ik kagaz le kar
Bhooley bisrey pal likh lena
Apney saarey kal likh lena

Sarey dost ikhatey karna
Sari subhain hazir rakhna
Sari shaamain paas bulana

Aur iillawah in ke dekho
Sarey mousam dehaan mein rakhna
Ik ik yaad gumaan mein rakhna

Phir mohtaat qayaas lagana
Gar to khushian barh jati hain
To phir tum ko meri taraf se
Aney wala  "SAAL MUBARAK"

Aur agar ghum barh jain to
Mat bekaar takalluf karna
Dekho phir tum aisa karna

Meri khushian tum le lena
Mujh ko apney ghum de dena
Ab ke saal kuch aisa karna