CHALO KUCH DEER INTEZAR KAREN chalo kuch deer intezar karen
shayad k us k dil se badgumani ki barf pighal jaye
shayad k us ki ana ka suraj dhal jaye
shayad k wo hum se milne ko phir se machal jaye
chalo kuch deer intezar karen
hosakta hai wo ana ki dewar ko gira dale
hosakta hai wo ahed-e-dosti nibha dale
hosakta hai wo hume akhri baar bula dale
chalo kuch deer intezar karen
mumkin hai apni kismat main bhi koi kamal hojaye
uska dil bhi humari tarah dard se behaal hojaye
wo bhi dukh k hatho humari tarah dard se nidhal hojaye
chalo kuch deer intezar karen
muqaddar ki tareek raton k jane ka
us ruthe dost k laut ane ka
uske dil me bhi khayal aajaye hume manane ka
chalo kuch deer intezar karen
jahan per itne beqrar hain
waha kuch din aur khud ko beqarar karen
hume shikast to hui nahi lekin
uski khatir shikast ka iqrar karen
chalo aao k tajded-e-wafa ek baar karen
chalo kuch deer intezar karen