Sahaili khawab wadi me osse bhaiji gi tou kyukar?
sakhi, me reshmi bato ka jab jado jagaoon gi
Sahaili sab gille shikwe bhala wo kab bhulaey gi?
Sakhi palko ki jhalar ko me jab yakdum othaon gi
Sahaili teri bato me nahi aya tou kya hoga?
Sakhi, honto ki lali me me osko azmaon gi
Sahaili ye bhi mumkin hai keh tujh ko chor jai wo
Sakhi, os zulf ki zanjeer me bandh laoon gi
Sahaili gar ye sari koshishain bekaar nilin tou?
Sakhi, ashko se bhi tou kaam kuch na kuch chalaon gi
Sakhi, har baat sajan ki tujh ko maloom hai kese?
Sahaili ab tou jane de phir akar bataoon gi