num hain palkein teri ae moj-e-hawa rat k sath
kia tujhe bhi koi yad ata hai barsat k sath
kabhi tanhaai se mehroom na rakha mujhko
dost humdard rahe kitne meri zaat k sath
Mohobbat se, inayat se, wafa se chot lagti hai
bikharta phool hoon mujhko hawa se chot lagti hai
Hujoom-e-Ghum meri Fitrat Badal Nahi Sakta,
Mein Kiya Karoon Mujhe Adat Hai Muskurane Ki
Hansi Ko Apni Sun K Ik Bar Mein bhi Chonk Uthi,
Yeh Mujh Mein Dukh Chhupane Ka kamal Kaise Aa Gaya...!
Hadsa Aik Aur Is Raste Mein Hoga Akhri,
Phir Najane Tum Kahan Phir Hum Kidhar Reh Jayeinge
Bakhsha hai Thokron ne Sambhalne Ka Hosla,
Her Hadsa Soch Ko Gehrai De Gaya
Dilon Ki Wadiyan her Haal Mein Abad Rehti Hain
Sahare Toot'te Bhi Hain Sahare Mil Bhi Jate Hain
Ghum Aur Khushi Ka Tawazan Kisi Ko KIya Maloom
Hazar Ashk behte Hein Ik Khushi K lie
Na Udas Hoon Na Qarar Hai Meri Kaifiat Ik Charagh Si
Woh Chale Gaye To Mein Bujh Gai Woh Jo Aa Gaye To Mein Jal Uthi
Bana Ker Faqeeron ka Hum Bhais 'Ghalib'
Tamasha-e-Ehl-e-Karam Dekhte Hein
dil mein kitne ehed baandhe the bhulane ke use
vo mila to sab iraade todnaa achha laga
us uduu-e-jaa'n ko 'Amjad' main bura kaise kahun
jab bhi aya samne vo bevafa achha laga
Koi Bhi Pehel Na Karne Ki Thaan Baitha Tha
Ana-Parast The Dono Mafahimat Na hui
Wade K sath Shart yeh Achhi Hai Aapki
Wada Wafa Kareinge Agar Yad Rahe Ga
Achanak Jo Mile Use Achanak Chhor Deti Hoon
Mere Mayar Per Poora Utar Ahista Ahista
Tujhe Jaldi To Hogi Ae Qayamat Ki Ghari Lekin
Mohobbat Ki Tarhan Mujh Per Guzar Ahista Ahista
Suna Hai Log Use Bewafa Gardante Hein
Isi Lie Hum Use Zindagi Sa Mante Hein