Mujhay aksar yeh kehti thi mohabat kuch nahi hoti...
hijr ka khof be matlab, wasal ke khawab be maaini...
koi soorat nigahon main kahan din raat rehti hai...
ussay kiyun khamoshi kahiye ke jis main baat rehti hai...
ye aansoo be zubaan aansoo bhalla kia bol saktay hain...
kahan dil main kissi ki yaad say toofaan uthtay hain..
kahan palkon ke saye main nammi din raat rehti hai..
kahan hoti hain woh aankhain jahan barsaat rehti hai..
mujhay aksar yeh kehti thi mohabbat kuch nahi hoti..
magar jub aaj barson baad main nay usko daikha hai...
ke uski jheel aankhon main hijr ka khof rehta hai ...
wasal ke khawab rehtay hain wahan barsaat rehti hai...
youn lagta hai kayee raaton say woh soyee nahi shayad
youn lagta hai kissi ki yaad ab din raat rehti hai...
aur uski naram palkon ke haseen saye bhi geelay hain...
aur uski khamoshi aisi keh jis main baat rehti hai...
mujhay ab woh nahin kahti mohabat kuch nahi hoti...
ke ab shayad mohabat ki woh sub rimzain samajhti hai....