Color Scheme : DEFAULT  
Welcome Guest Login or Signup
   


BLOGS   WRITE NEW BLOG   EDIT BLOGS  
 
RSS
bus ya hussain
Posted On 30/01/2008 22:19:02 by saim110



اے حر کسے ملی يہ شہادت کی زيب و زين
باليں پہ ترے آئيں ہيں خود مادر ِ حسين
اس مرتبے کے بعد تو سب تجھ کو مل گيا
اے حر حسين مل گئے، رب تجھ کو مل گيا
کچھ نہيں ملا اسے، تو نہيں ملا جسے

تو جس کو مل گيا، رب اس کو مل گيا
بس ياحسين

يہ بس حسين کی عطا يہ بس حسين کا جگر
جو کہہ ديا وہ معتبر، جو دے ديا تو سارا گھر
کرم حسين کا کرم کسی پہ ہوگيا اگر
ملے کسی کو بال و پر کسی کو مل گئے پسر
حر بنا ديا اسے جو ايک بار مل گيا
تو جس کو مل گيا، رب اس کو مل گيا
بس ياحسين

آدم کی پوری نسل پہ احسان کون تھا
جس پر خدا کو ناز، وہ انسان کون تھا
کنبے کے ساتھ دين پہ قربان کون تھا
نوک ِ سناں پہ قاری ِ قرآن کون تھا
اے کربلا بتا تيرا مہمان کون تھا
بس ياحسين

بس حسين تھا جسے يہ اختيار مل گيا
يہ اختيار کتنا وسيع و بلند ہے
سارا جہاں حسين کی مٹھی ميں بند ہے
بدلا ہے کربلا ميں تقاضہ ِ انقلاب
نيزے پہ اب جو سر ہے، وہی سر بلند ہے
ايوان ِ انبساط ميں جنت نہ کر تلاش
يہ تو غم ِ حسين کے آنسو ميں بند ہے
بس ياحسين
تو جس کو مل گيا، رب اس کو مل گيا

داستاں حسين کی سمجھ ميں آگئی اگر
تو حر کی رہگزار پر کرے گا عشق کا سفر
تڑپ تڑپ اٹھے گا تو کہے گا رات رات بھر
حسين بس حسين ہے سناں پہ يا زمين پر
شاہ ِ کربلا سے جس کے دل کا تار مل گيا
تو جس کو مل گيا رب اس کو مل گيا

اک دوپہر ميں جس نے بھرا گھر لٹا ديا
نازاں خدا ہے جس پہ وہ سجدہ ادا کيا
اپنے لہو سے خاک کو خاک ِ شفا کيا
عاشور ايک روز تھا، صديوں پہ چھا گيا
کرب و بلا کو عرش ِ معلٰی بنا ديا
بس ياحسين

سلام ياحسين، رب کا اعتبار مل گيا
تو جس کو مل گيا، رب اس کو مل گيا

جب رن ميں ذولفقار ِعلی ناگہاں چلی
بچھ بچھ گئيں صفوں پہ صفيں يہ جہاں چلی
چمکی تو اس طرف ، ادھر آئی ، وہاں چلی
دينے کو داد عرش سے پياسے کی ماں چلی
مدت کا تال ميل تھا، برسوں کا ساتھ تھا
جيسی وہ ذولفقار تھی ، ويسا ہی ہاتھ تھا
ہانپ آگئی صفوں کو جدھر آئی ذولفقار
گہہ چھپ گئی تو گاہ نظر آئی ذولفقار
سر پر چمک کے تا بہ کمر آئی ذولفقار
زيں کاٹ کر زميں پہ اتر آئی ذولفقار
پھر تو يہ غل ہوا کہ دہائی حسين کی
اللہ کا غضب ہے لڑائی حسين کی
حسين ياحسين
ا
اس ساعت کے لئے تھی يہ شمشير مرحبا
يہ ابرو ، يہ جنگ ، يہ توقير مرحبا
بس بس حسين بس ، مرے دلگير مرحبا
وقت ِ نماز ِ عصر ہے ، تکبير مرحبا
بس ياحسين

لبيک کہہ کہ تيغ رکھی شہہ نے ميان ميں
پلٹی سپاہ آئی قيامت جہان ميں
لو خنجروں ميں ، تيغوں ميں ، بھالوں ميں گھر گئے
تنہا حسين برچھيوں والوں ميں گھر گئے
حسين ياحسين

ريحان و سرور ِ حزيں سنو يہ ايسا راز ہے
حسين کہہ رہے تھے بس خدا پہ مجھ کو ناز ہے
نہ بھائی ، نہ پسر رہا ، نہ کوئی چارہ ساز ہے
اذان ہے ، حسين ہے ، خدائے بےنياز ہے
نہ زين نہ زمين پر يہ آخری نماز ہے
حسين ياحسين

جس کے دل ميں حسين رہتا ہے
فرش مجلس کا جو بچھاتا ہے
جو بھی نوحہ کہيں سناتا ہے
لے کے نام ِ حسين روتا ہے
اس کو زہرا سلام کرتی ہيں
حسين ياحسين

Bookmark:



Viewing 1 - 1 out of 1 Comments

From: sahirchaudry
07/05/2008 11:43:04

husain(as)  agar bharat main ata tou parday main otara jata


zahra(sa) ka lal yu na dhokay say mara jata


shabo roz sajday hotay oski chokhat pay


is daish ki bhasha main bhagwan pukara jata


bashar say shahe mashriqain ban na saka


hum nay bhagwan tou bana lia magar husain(as) ban na saka


SCRAPBOOK

HOT TAGS [-]


Most Viewed

Most Talked About

*** NkuT.Com ***