Main aadmi aam sa
Aik qissa natamaam sa

Na lehja beymisaal hai
Na baat mein kamaal hai

Hoon dekhne mein aam sa
Udaasion ki shaam sa

Jaise ik raaz hoon
Khud se beyniyaaz hoon

Na mehjabeenon se rabt hai
Na shohraton ka zabt hai

Raanjha na Qais hoon
Insha,na Faiz hoon

Main paiker-e-ikhlaas hoon
Main shakhs khud shanaas hoon

Tum he karo faisla!!!

Main aadmi hoon aam sa???

Ya phir bohat he "khaas" hoon???