|
agar keh do!
yeh bujhtii shamaiN aur yeh deep
phir sey jagmagayaiN ghay
andheyroN k yeh saaye roshni mein gum ho jayaiN ghay
agar keh do!
yeh kaliyan,yeh baharaiN muskuraiN ghii
tumharay pyar ki khushboo hawaaoN mein basayaiN ghii
mohabbat mein hamain sawan k jhoolay pay jhulayaiN ghi
aur phir inn baadloN k sang hamain uss paar jana hai
jahan tum aur tumhari chahtoN ka ik hazana hai
mujhe maloom hai tum ko jahan par lout jana hai
agar keh do!
to saari umar mein rastay sajaoN ghi
tumhari yaad k aansoo aankhoN mein basaoN ghi
agar keh do!
k tum ko faasiloN sey lout aana hai
to phir hum ko bhi itnay door kis dyar jana hai
tumharay lout aanay tak diya hum ko jalana hai
agar keh do!
tumhain mujh sey mohabbat hai
to palkoN k kinaroN par haseeN kuch khawab tik jayaiN
hamari roti aankhoN par yeh saaray askh ruk jayaiN
ghatayaiN ranj o ghum ki dil k aangan sey
sirak jayaiN
agar keh do!
tumhain mujh sey mohabbat hai
|
